FÜZULİ BEYNƏLXALQ HAVA LİMANININ TİKİNTİSİ DAVAM EDİR

Türkiyənin nəqliyyat və infrastruktur naziri Adil Karaismailoğlu və Azərbaycanın nəqliyyat, rabitə və yüksək texnologiyalar nazir Rəşad Nəbiyevin işğaldan azad edilmiş Füzuli rayonuna səfər çərçivəsində Füzuli beynəlxalq hava limanının tikintisi ilə tanış olublar. nazirlərə görülən işlər barədə məlumat verilib.Bildirilib ki, təməli bu ilin yanvar ayının 14-də Prezident İlham Əliyev tərəfindən qoyulan Füzuli beynəlxalq hava limanının ərazisində beynəlxalq standartlara cavab verən aerovağzal binası, perron, yönəldici yol, uçuş enmə zolağının işıq siqnal sistemləri, aeronaviqasiya və meteoroloji qurğuların quraşdırılacaq.Hava limanının uçuş-enmə zolağının uzunluğu 3 km, eni isə 45 metr olacaq.Uçuş-enmə zolağının bu ilin sonuna kimi təhvil verilməsi gözlənilir.AZAL-ın vitse-prezidenti Etibar Hüseynov bildirib ki, "Zəfər yolu" avtomobil yolunun bu hava limanına çıxışı olacaq. Bununla yanaşı, Zəngilanda hava limanının tikintisinə başlanılıb və Laçında da hava tikintisinə başlanılması planlaşdırılır".Vitse-prezident qeyd edib ki, hava limanı istifadəyə verildikdə bir terminal fəaliyyət göstərəcək.