AZƏRBAYCANDA YENİ AKADEMİYA YARADILDI

Sumqayıt şəhərində TİKA -nın yəni, Türk Əməkdşlıq və Kordinasiya Agentliyi Başqanlığının dəstəyi ilə reallaşan “Turan Qastroturizm Akademiyası” MMC-nin təntənəli açılış mərasimi baş tutub. Tədbir Azərbaycan Sağlamlıq və Termal Turizmə Dəstək Assosiasiyası, DK Agency və Turan Restoranlar Şəbəkəsinin birgə təşəbbüsü ilə keçirilib. Mərasim Azərbaycan və Türkiyənin dövlət himnlərinin səsləndirilməsi ilə başlayıb. Daha sonra Azərbaycan Sağlamlıq və Termal Turizmə Dəstək Assosiasiyasının sədri Ruslan Quliyev akademiyanın yaradılmasının əsas məqsədləri və gələcək hədəfləri barədə məlumat verib. Tədbirdə çıxış edən TİKA Başqanı Serkan Kayalar akademiyanın yaradılmasını Türkiyə-Azərbaycan qardaşlıq əlaqələrinin təhsil və məşğulluq sahəsindəki əməkdaşlığının parlaq nümunəsi adlandırıb.Bildirilib ki, "Məktəb-Sənaye Əməkdaşlığı Sumqayıt Modeli" çərçivəsində fəaliyyət göstərəcək akademiya şəhərdə işsizliyin azaldılması və xidmət sektorunun inkişafına əhəmiyyətli töhfə verəcək strateji bir layihə olaraq planlaşdırılıb. Qeyd edək ki, TİKA-nın təmin etdiyi müasir mətbəx avadanlıqları və təchizat dəstəyi sayəsində gənclərə beynəlxalq standartlara uyğun peşə təhsili veriləcək.Eyni zamanda qeyd edilib ki, akademiya :İlham Sahəsi: təlim zalı, kitabxana və studiya, Tətbiq Sahəsi: praktik məşğələ otaqları və tədris mətbəxi, Təcrübə Sahəsi: restoran və satış bölməsi adlı bölmələrdən ibarət olacaq. Akademiyanın əsas hədəfləri xidmət sektorunda məşğulluğun artırılmasına töhfə vermək, şəhərin qastroturizm potensialını inkişaf etdirmək, beynəlxalq standartlara uyğun təlim proqramları həyata keçirməkdir.Rəsmi nitqlərdən sonra qonaqlar qırmızı lentin kəsilməsi mərasimində iştirak ediblər. Sonda xatirə şəkilləri çəkdirildi və tədbir iştirakçılarının şərəfinə ziyafət təşkil olundu. #TİKA #Akademiya #Turizm #Azərbaycan #Türkiyə #mətbəx