“QUBA ŞƏHİDLƏRİNİN EV MUZEYLƏRİ KİTABI” OXUCULARA TƏQDİM OLUNUB

Şəhidlərin xatirəsinin əbədiləşdirilməsi məqsədilə şəhid Əliyev Rəvan Yusif oğlunun ailəsi tərəfindən ərsəyə gətirilən “Quba şəhidlərinin Ev Muzeyləri“ kitabının Tarix – Diyarşünaslıq Muzeyində təqdimatı keçirilib. Tədbirdə Quba Rayon İcra Hakimiyyətinin Başçısı Ziyəddin Əliyev , YAP Quba rayon təşkilatının sədri , Quba – Xaçmaz Regional Təhsil İdarəsinin müdiri, Xaçmaz Regional Mədəniyyət İdarəsinin rəisi , Rayon İcra Hakimiyyətinin nümayəndələri, şəhid ailələri və rayon ictimaiyyətinin nümayəndələri iştirak edib. Kitabda Qubalı şəhidlərin hər biri haqqında məlumatlar və fotoşəkillər yer alıb.Tədbirdə Quba Rayon İcra Hakimiyyətinin Başçısı Ziyəddin Əliyev çıxışında 44 günlük Vətən müharibəsində düşmən üzərində qazanılan tarixi Qələbəyə görə şəhidlərə borclu olduğumuzu və hər birimizin onlarla qürur duyduğumuzu qeyd edib. Sonra “ Quba şəhidlərinin Ev Muzeyləri “ kitabı şəhid ailələrinə təqdim olunub. Sonda tədbir iştirakçıları ilə xatirə şəkili çəkildi.